Tuesday, May 30, 2017

GPF  பட்டுவாடா புதிய நடைமுறை
மாதம் 3 முறை என உத்திரவு வெளியிடப்பட்டுள்ளது

GPF withdrawal / Advance பட்டுவாடா இனி CCA , Tamilnadu  (DOT Cell ) மூலம் வழங்கப்படும். அதற்கான புதிய நடைமுறை கீழ்க்கண்டவாறு  அறிவிக்கப்பட்டுள்ளது. 

1.     ஒவ்வொரு மாதமும் 4, 12, மற்றும் 20 ஆகிய தேதிகளில் GPF பட்டுவாடா இருக்கும்.
2.   பட்டுவாடா செய்யப்படவேண்டிய ஊழியர்கள் பட்டியல் BSNL -ல் இருந்து கிடைக்கப்பெற்ற 5 வேலை நாட்களுக்குள் பண பட்டுவாடா இருக்கும்.
3.  GPF தொகை அவரவர் சம்பத்திற்கான வங்கி கணக்கில் CCA , Tamilnadu  (DOT Cell ) மூலம் நேரடியாக செலுத்தப்படும்.
4.      விண்ணப்பிக்கும் மற்றும் பட்டுவாடா தேதிகள் கீழ்கண்டவாறு இருக்கும்.
விண்ணப்பிக்கும் தேதி
பட்டுவாடா தேதி
அந்த மாதம் 7 ம் தேதி வரை 
அந்த மாதம் 12 ம் தேதி 
அந்த மாதம் 16 ம் தேதி வரை 
அந்த மாதம் 20 ம் தேதி 
அந்த மாதம் 25 ம் தேதி வரை 
அடுத்த மாதம் 4 ம் தேதி 
5.   ஒவ்வொருவர்க்கும் DOT  Cell கணக்கில் உள்ள GPF  இருப்பு தொகையை பொறுத்து பண பட்டுவாடா இருக்கும்.

6.  இந்த மாதம், 27-05-2017 க்குள் விண்ணப்பித்த அனைவருக்கும் ஜூன் 7 ம் தேதிக்குள் பணப்பட்டுவாடா இருக்கும்.

Friday, May 5, 2017

மலரட்டும் மண்ணுக்கேற்ற 

மார்க்ஸியம்!

*** தமிழ் ஹிந்து தலையங்கம்***


உற்பத்தியில் மூலதனத்தின் பங்கு எவ்வளவு முக்கியமோ அதே அளவு முக்கியத்துவம் உழைப்புக்கும் உண்டு. ஆனால், உபரியாகக் கிடைக்கிற லாபம் மூலதனத்தையே சேர்கிறது. உழைப்புக்குக் கிடைக்கும் பயன் கூலியாக மட்டுமே இருக்கிறது. அந்தக் கூலியும் அத்தியாவசியத் தேவையையும் பூர்த்திசெய்துகொள்ளப் போதுமானதாய் இருப்பதில்லை.

நிலவுடைமைச் சமுதாயம், ஆலை உற்பத்திக்கு மாறிய கால கட்டத்தில் தொழிலாளர்களின் ஒருங்கிணைவுக்கு ஒரு சாத்தியம் உருவானது. அந்த ஒருங்கிணைவு மூலதனத்துக்கும் உழைப்புக்கும் ஒருசேர மதிப்பளிக்கும், இரண்டையும் ஒன்றாக்கும் ஒரு சோஷலிச கனவுக்கு வித்திட்டது. அது வெறும் கனவு மட்டுமல்ல. மானுட வரலாற்றின் கால மாற்றங்களில் கட்டாயம் நடக்க வேண்டிய மாற்றம் என்பதை தனது மூலதனம் நூலில் அறிவியல்பூர்வமாக நிரூபணம் செய்தார் காரல் மார்க்ஸ். உற்பத்தி முறையின் மாற்றங்களுக்கு ஏற்ப, சமூகத்தின் சகல துறைகளிலும் மாற்றங்கள் ஏற்படும் என்பதையும் அவர் வரலாற்றுரீதியில் நிரூபித்தார்.

மார்க்ஸ் ஐரோப்பிய ஆலை உற்பத்தி முறையில் எதிர்பார்த்த சோஷலிச கனவு, ரஷ்யாவின் நிலவுடைமைச் சமுதாயத்தில் நிறைவேறி இடைநின்றுவிட்டது. அதேவேளையில் கியூபா, வெனிசுலா என்று உலகத்தின் பல நாடுகளும் சோஷலிச கனவை இயன்றவரைக்கும் நனவாக்கியுள்ளன. இந்தியாவில் கம்யூனிஸ்ட்டுகள் கையில் மத்திய அரசு வரவில்லையென்றாலும், மார்க்ஸின் தாக்கம் நேருவிய காலகட்டத்திலேயே தொடங்கிவிட்டது. விளைவாக, இந்திராவின் ஆட்சிக்காலத்தில் அரசியலமைப்பின் விழுமியங்களில் ஒன்றாக அதன் முகப்புரையில் இடம்பெற்றது. ஆக, உலகில் மார்க்ஸ் தாக்கம் ஏற்படுத்தாத சமூகம் என்று ஒன்று இன்றில்லை எனலாம்.

முதலாளித்துவமானது சோஷலிசத் திட்டங்களுக்கு எதிராக தன்னைத் தக்கவைத்துக்கொள்வதில் முன்னெப்போதைக் காட்டிலும் மிகப்பெரிய வியூகங்களை வகுத்துக்கொண்டுள்ளது. காரல் மார்க்ஸின் அறைகூவலை தொழிலாளர் சமூகம் காதுகொடுத்துக் கேட்கும் முன்பே உலக முதலாளிகள் ஒன்றுகூடிவிட்டார்கள். இன்றைய நவீனப் பொருளாதார யுகத்தில், பண்டங்கள் என்பது உற்பத்திப் பொருட்கள் மட்டுமல்ல, சேவைப் பணிகள், கண்டுபிடிப்புகளுக்கான காப்புரிமை, தொழில்நுட்பம் என்று அதன் எல்லைகள் விரிவடைந்துகொண்டே போகின்றன. மூலதனம் இன்று தனிநபர் முதலீடு என்ற நிலையையெல்லாம் தாண்டி, பன்னாட்டு எல்லைகளில் விரவி நிற்கிறது. பங்கு முதலீடு என்ற கண்ணுக்குத் தெரியாத மாயக்கரங்களால் இன்றைக்கு உற்பத்தி ஆட்டிவைக்கப்படுகிறது. இந்தப் புதிய சூழலையும் மனதில் கொண்டுதான் இனி சோஷலிசத் திட்டங்கள் வகுக்கப்பட்ட வேண்டும்.

காரல் மார்க்ஸ் மூலதனத்தை எழுதிய நாட்களில் உலக வர்த்தக நிறுவனம் போன்ற முதலீடுகளைப் பாதுகாக்கும் அமைப்புகள் எதுவும் இல்லை. ஆனால் இப்போது உலக வர்த்தக நிறுவனம், பன்னாட்டு உடன்படிக்கைகளின் வழியாக, உலக நாடுகள் இயற்றும் சட்டங்களுக்கெல்லாம் முன்வரைவைத் தயாரித்து அளித்துக்கொண்டிருக்கிறது. விவசாயம் தொழில்துறையின் வசமாகிறது. விதைகளும் காப்புரிமையின்கீழ் பண்டங்களாக்கப்பட்டுவிட்டன. உற்பத்தியில் உழைப்பின் பங்கைக் காட்டிலும் முதலீடே முதன்மை வகிக்கிறது. இந்தப் புதிய பொருளாதாரச் சூழலில் காரல் மார்க்ஸ் தவிர்க்க முடியாதவராக இருக்கிறார். இந்தியாவில் இந்த மண்ணுக்கு ஏற்றதாக மார்க்ஸியம் மலரும் நாளில், இந்தியாவின் முழுமையான சோஷலிச கனவும் நிறைவேறும்.
மாவட்ட தலைவர் தோழர் சுந்தரம் பனி நிறைவு பாராட்டு விழா பதிவுகள்!











மேலும் பதிவுகளை காண இங்கே சொடுக்கவும்...

Thursday, April 27, 2017

Friday, March 31, 2017

IDA குறைவு ! 

01.04.2017 முதல் நமது IDA 2.3 சதம் குறைந்து மொத்தம் 117.2 சதமாக மாறியுள்ளது.


விலைவாசி குறைந்த பாடில்லை. ஆனால் IDA மட்டும் குறைகிறது. அதெப்படிங்க? என கேட்கிறார்கள்! நமக்கும் தான் புரியவில்லை !! 


எல்லாம் தொழிலாளிக்கு எதிரான, வெளிப்படை தன்மை இல்லாத தில்லாலங்கடி கணக்கு முறைகள் தான்!

Friday, March 17, 2017

வீட்டு வாடகை ரசீது கேள்வியும் பதிலும்!!

கேள்வி : வருமான வரி விலக்கிற்காக பலர் வாடகை ரசீது கொடுத்துள்ளனர். 
    இப்போது வீட்டு உரிமையாளரின் PAN Number உடன் உரிய படிவத்தில் கொடுக்க வேண்டும் என AO Drawal தெரிவிக்கிறார். ?இல்லை எனறால் கூடுதல் வரி பிடித்தம் இருக்கும் என்கிறார் .
    PAN No. கொடுப்பது எப்படி சாத்தியம் ? எத்தனை வீட்டு உரிமையாளர்கள் PAN No. வைத்திருக்கிறார்கள் ?

பதில்: மாத வீட்டு வாடகை 8333 க்குள் அல்லது வருட மொத்த வாடகை 1,00,000 க்குள் இருந்தால் வீட்டு உரிமையாளரின் PAN No. கொடுக்கவேண்டியதில்லை. 
     1,00,000 க்கு மேல் இருந்து வீட்டு உரிமையாளரிடம்  PAN No. இல்லை என்றால் ஊழியர் ஒரு declaration கடிதம் கொடுக்க வேண்டும். ஆனால் அனைவரும் printed ரசீது கொடுக்க வேண்டும் .

Thursday, March 16, 2017

அஞ்சல் அட்டை... அனுப்பும் இயக்கம்!

கோழிக்கோடு தேசிய செயற்குழு முடிவின் படி ...

நிதி ஆயோக் பரிந்துரையின் அடிப்படையில், BSNL மற்றும் ITI நிறுவனங்களை விற்கத் துடிக்கும் மத்திய அரசின் முடிவை எதிர்த்தும், 
தனி, துணை டவர் கம்பெனி உருவாக்கத்தை எதிர்த்தும்

பிரதமருக்கு அஞ்சல் அட்டை அனுப்பும் இயக்கம் 16-03-2017 தொடங்கி 15-04-2017 வரை நடத்தப்பட வேண்டும்.

கிளை செயலர்கள் அனைத்து உறுப்பினர்களையும் அணுகி கீழே குறிப்பிட்டவாறு அஞ்சல் அட்டையில் எழுதி அனுப்பும் வேலையை செய்து முடித்திட வேண்டும்.



சிறப்பாக நடைபெற்ற கவன ஈர்ப்பு ஆர்ப்பாட்டம்.


BSNL ஊழியர்கள் தேசிய கூட்டமைப்பு சார்பில் திருச்சி BSNL பொது மேலாளர் அலுவலகம் முன்பு இன்று ஆர்ப்பாட்டம் நடைபெற்றது. BSNLEU சங்கமும் இணைந்து ஆர்பாட்டத்தில் பங்கேற்றது.NFTE மாவட்ட தலைவர் தோழர். P சுந்தரம், BSNLEU மாவட்ட தலைவர் தேவராஜன் ஆகியோர் தலைமையில்,

  •  மூன்றாவது ஊதியக்குழு பேச்சுவார்த்தையை துவக்கு…
  •  ஊதியக்குழு சம்பந்தமான DPE வழிகாட்டுதலை வெளியிடு… 
  •  BSNL நிறுவனத்தை தனியாருக்குத் தாரை வார்க்காதே…
  •  தனி செல்கோபுர நிறுவனம் ஆரம்பிக்காதே…


ஆகிய கோரிக்கை களை வலியுறுத்தியும்

வேலை நிறுத்தத்தில் ஈடுபட்டுள்ள மத்திய அரசு ஊழியர்களுக்கு ஆதரவு தெரிவித்தும் 
                                    ஆர்ப்பாட்டம்.சிறப்பாக நடைபெற்றது.

NFTE மாவட்ட செயலர் S பழனியப்பன், துணை செயலர் பாலகுரு,  TEPU மாநில தலைவர். இளங்கோவன், மாவட்ட செயலர் ரவீந்திரன், BSNLEU மாவட்ட செயலர் அஸலம் பாஷா, துணை செயலர் சுந்தர்ராஜ் உள்ளிட்டோர் கோரிக்கைகளை விளக்கி பேசினர். மாநில துணைத்தலைவர் தோழர். ஆறுமுகம், சிறப்பு அழைப்பாளர் தோழர் ஆசைத்தம்பி உள்ளிட்ட 150 க்கும் மேற்பட்ட தோழர்கள்  முழுதும் இருந்து கலந்துகொண்டனர்.


ஆர்ப்பாட்ட பதிவுகளை காண கீழே  சொடுக்கவும். ↓↓↓
video

Wednesday, March 15, 2017

கவன ஈர்ப்பு ஆர்ப்பாட்டம்

 மத்திய சங்க அறைகூவலின்படி நாடு முழுவதும் மாவட்டத் தலைநகரங்களில் கவன ஈர்ப்பு ஆர்ப்பாட்டம்.

நாள்: 16-03-2017, பிற்பகல் 01:15 மணி.
இடம்: PGM அலுவலகம், திருச்சி.
கோரிக்கைகள்:

v மூன்றாவது ஊதியக்குழு பேச்சுவார்த்தையை துவக்கு
v ஊதியக்குழு சம்பந்தமான DPE வழிகாட்டுதலை வெளியிடு 
v BSNL நிறுவனத்தை தனியாருக்குத் தாரை வார்க்காதே
v தனி செல்கோபுர நிறுவனம் ஆரம்பிக்காதே

திரளாக கலந்துகொள்வீர்!